"1 ӨРХ-5 МОД" САРЫН АЯНЫ ХҮРЭЭНД: Тус аяны хүрээнд сумын угтах, үдэх хаалганаас 50 метр зайд 2 эгнээ ойн зурвас байгуулах ажлыг эхлүүллээ🌳🌴🌿🌲. Тус ойн зурвасыг сумын төвтэй холбохоор төлөвлөж байгаа. Ойн зурвасыг өргөжүүлэхэд иргэд, аж ахуйн нэгж, үе үеийн төгсөгчид, анги хамт олон, найз нөхдөөрөө 10, 20, магадгүй 100 метрээр ойн зурвасыг үргэлжлүүлж, аянд нэгдэж, сумынхаа өнгө үзэмжид хувь нэмрээ оруулна гэдэгт итгэж байна, бас УРИАЛЖ байна🤗. Бидэнтэй холбогдоорой, санаа бодлоо хуваалцаарай☎️. Мөн сумын түүхт 100 жилийн ойд зориулж С.Нэргүй, А.Чулуунмөнх нарын үр хүүхдүүдээс бүтээлгэсэн хийморийн морины хөшөө буюу алсдаа морины шүтээн болж өргөжих тус газарт 550 ширхэг шар хуайс тарьлаа. Дээрх 2 газарт мод тарихад Мазарт ногоо тариалдаг Ч.Дэлгэрсайхан, Г.Энхтуяа нарын гэр бүл 120 ш улиас 🌳, Сэлэнгэ аймгийн Зүүнхараад ажиллаж амьдардаг н.Батчулуун, Ц.Баатар нарын гэр бүл 1000 ш шар хуайс☘️ бэлэглэж, ногоон орчинг бий болгоход хувь нэмрээ оруулж ивээн тэтгэсэнд нийт иргэдийнхээ өмнөөс талархал илэрхийлж, гэр бүлд нь эрүүл энх, аз жаргал, амжилт бүтээлийн дээдийг хүсье🤗🥰.

05 дугаар сарын 28-ны өдөр эмэгтэйчүүдийн зөвлөгөөн зохион байгуулж 130 гаруй эмэгтэйчүүд чууллаа. Зөвлөгөөнөөр алдарт эхийн 1, 2 дугаар одонгоор шагнагдсан 11 ээжид одон гардуулж, Аймгийн эмэгтэйчүүдийн зөвлөлийн тэргүүн С.Ундрах "Анзаарахуй дадуулахуй" лекц тавьж, төрийн бус байгууллагын мэдээлэл, эмэгтэйчүүдийн өмнө тулгамдаж буй асуудал хэлэлцүүлэг зохион байгууллаа. Мөн сумын эмэгтэйчүүдийн зөвлөл баг, байгууллагын төлөөлөл бүхий 13 хүний бүрэлдэхүүнтэй байгуулагдаж, тэргүүнээр ЗДТГ-ын дарга Ө.Баттуяа улиран сонгогдлоо. Алдарт эхийн 1, 2 дугаар зэргийн одон, эмэгтэйчүүдийн холбоо болон аймаг, сумын шагналаар шагнагдсан ээжүүддээ баяр хүргэе.

Нарангарав даргаар ахлуулсан ажлын хэсэг Төгрөг суманд ажиллаа. Иргэдийн Төлөөлөгчдийн Хурлын төлөөлөгч, Багиийн иргэдийн нийтийн Хурлын хуралдаан дарга нар сургалт зохион байгуулж иргэдийн Төлөөлөгчдтйн Хурлын үлй ажиллагаанд зөвлөн туслалаа

Ур чадвар-Уран жолоодлогын тэмцээний хүрээнд 3 төрлийн тэмцээн зохион байгуулж 15 иргэн оролцлоо. 1 дүгээр байр Б.Азжаргал, 2 дугаар байр Д.Сэвжид, 3 дугаар байр Ц.Сумаа нар эзэллээ.

Цэрэг татлагын нээлтийг зохион байгуулж, суманд цэрэг татлагын ажил эхэллээ. Насан туршийн суралцахуйн төв, Хүүхэд, гэр бүлийн хөгжил хамгааллын газрын сургалтын хамтарсан баг цэргийн насны залуучуудад сургалт зохион байгуулж байна. Мөн сумын Засаг даргын Тамгын газраас нийгмийн даатгал, Цэргийн албаны хууль тогтоомжоор мэдээлэл өгч, гарын авлага материалаар хангаж байна.

Өөрийн эзэмшлийн автотээврийн болон өөрөө явагч хэрэгслийн техникийн үзлэг оношлогоо 04 дүгээр сарын 21-23 өдрүүдэд явагдаж байна.

Хайрхан дулаан суманд 04 дүгээр сарын 11-12-ны өдрүүдэд зохион байгууллагдсан баруун бүсийн иргэдийн Төлөөлөгчдийн Хурал, Засаг даргын Тамгын газрын албан хаагчдын дундах урлаг спортын наадамд амжилттай оролцож нийлбэр дүнгээр 3 дугаар байр эзэллээ.

Багийн иргэдийн итгэлийн хүлээж, төр түмнээ төлөөлөх эрхэм үүргийг хүлээсэн багийн Засаг дарга нарыг томилж, батламж гардууллаа. Хоолтын 1 дүгээр багийн Засаг даргаар Баяраагийн Мандахбаяр, Их-Ус 2 дугаар багийн Засаг даргаар Хонинтогоогийн Лхагвыг, Мазарын 3 дугаар багийн Засаг даргаар Бадамдоржийн Байгалмааг, Сайнтөгрөгийн 4 дүгээр багийн Засаг даргаар Сосорбарамын Батбаатарыг, Баянгийн 5 дугаар багйин Засаг даргаар Цэдэн-Ишийн Дониддэмбэрэл нарыг томиллоо.

“Миний нутаг сайхан” иргэдийн спортын 5 дугаар их наадмын шигшээ тэмцээн 2025 оны 04 дүгээр сарын 04-06-ны өдрүүдэд Арвайхээр суманд зохион байгуулагдлаа. ВОЛЕЙБОЛЫН ТӨРӨЛД: Эрэгтэй 19-30 насны ангилалд: 2-р байр Л.Мял ахлагчтай баг Эмэгтэй 19-30 насны ангилалд: 3-р байр Ч.Батнасан ахлагчтай баг Эмэгтэй 31-44 насны ангилалд: 2-р байр П.Чулуунбат ахлагчтай баг Эмэгтэй 45+ насны ангилалд: 2-р байр Ц.Оюунгэрэл ахлагчтай баг ҮНДЭСНИЙ ШАГАЙН ХАРВАА 18-25 насны ангилалд: 2-р байр Говийн бүс /М.Төгөлдөр, М.Жамъянсүрэн/ ҮНДЭСНИЙ БӨХ 1-р байр Говийн бүс /Э.Мөнгөншагай/ ШИРЭЭНИЙ ТЕННИС Эмэгтэй 31-44 насны ангилалд: 3-р байр Б.Мөнх-Оюун ҮНДЭСНИЙ СУР: Эрэгтэй 18-25 насны ангилалд: 2-р байр Г.Дашдондог Эмэгтэй 18-25 насны ангилалд: 3-р байр Б.Пагваадулам Эрэгтэй 26+ насны ангилалд: 2-р байр Б.Бат-эрдэнэ ДААМ: Эмэгтэй: 3-р байр Ц.Шинэдолгор нар тус тус шалгарлаа 👏👏👏. Тэмцээнд сум, бүсээ төлөөлж оролцсон тамирчид, шагналт байрт шалгарсан тамирчдад баяр хүргэе э

03 дугаар сарын 30, 31-ний өдрүүдэд сумын цолтой болон залуу бөхчүүдийн "Төгрөг цом 2025" шилжин явах цомын төлөөх багийн барилдаан амжилттай болж өндөрлөлөө. Тус барилдаанд 7 сумын 49 бөх уран мэхээ уралдуулснаас Бат-Өлзий сумын баг цомын эзнээр тодорч, Бүрд сумын баг дэд байр, Хархорин сумын баг гутгаар байрт шалгарлаа. Бат-Өлзий сумын заан н.Нармандах хамгийн олон даваа авсан бөхөөр, Бүрд сумын заан н.Мөнхбат уран барилдаантай бөхөөр, Богд сумын залуу бөх н.Чагнаадорж өсөх ирээдүйтэй бөхөөр тус тус шалгарлаа.

Монгол Улсын засгийн газрын 2011 оны 339, 340 дүгээр тогтоолоор батлагдсан "Гамшгийн аюулын тухай зарлан мэдээллийн дохио дамжуулах журам", "Гамшгийн үеийн дайчилгаа, нүүлгэн шилжүүлэх журам"-ын дагуу 2025 оны 03 дугаар сарын 27-ны өдрийн 16.00 цагт гамшгийн аюулын зарлан мэдээллэх дуут дохио дамжуулах дадлага сургуулийг орон даяар зохион байгуулна гэж заасны дагуу 152 албан хаагч иргэд оролцлоо.

Хуралдаанаар: 1.Сумын иргэдийн Төлөөөлгчдийн Хурлын Төлөөлөгчийн ёс зүйн дүрэм батлах тухай. 2.Сумын шимэгчтэх өвчнөөс сэргийлэх арга хэмжээний төлөвлөгөө батлах тухай. 3.Хоршоог хөгжүүлэх сангийн төсөл сонгон шалгаруулах хоршоог шинэчлэн батлах тухай 4.Хоршоог хөгжүүлэх сангийн төсөл сонгон шалгаруулах тов тогтоох тухай 5.Сумын хамтрасан баг шинэчлэн батлах тухай. 6.Хүүхдийн төлөө зөвлөл шинэчлэн батлах тухай дараах асуудлыг хэлэлцэнэ

Төрийн албаны зөвлөлийн даргын 2025 оны 02 дугаар тушаалаар томилогдсон ажлын хэсэг салбар яам, агентлагийн дэргэдэх салбар зөвлөлийн төлөөллийг оролцуулсан 4 ажлын хэсэг Өвөрхангай аймагт ажиллаж байна. Манай суманд Төрийн албаны зөвлөлийн Захиргаа, удирдлагын газрын даргын албан үүргийг түр орлон гүйцэтгэгч Б.Гантулга ахлагчтай ажлын хэсэг ажиллаж, төрийн байгууллагуудын үйл ажиллагаатай танилцан, Төрийн албаны тухай хууль болон холбогдох бусад хуулиар хүлээсэн чиг үүргээ хэрэгжүүлж буй байдалд хяналт тавихаас гадна Төрийн албаны зөвлөлийн зорилго, чиглэл, үйл ажиллагаа, бүтэц, бүрэлдэхүүн, Төрийн албаны “Хүний нөөцийн удирдлагын мэдээллийн тогтолцоо” цахим системийн хөгжүүлэлтийг танилцуулах, ашиглах талаар зөвлөгөө өгч, судалгаа, санал асуулга авах, сургалт зохион байгуулан, мэргэжил арга зүйгээр зөвлөн туслаж, удирдлага, зохион байгуулалтаар ханган ажиллалаа.

Аймгийн Хүүхэд, гэр бүлийн хөгжил, хамгааллын газраас “ХАЛУУН АМ БҮЛД ХАЙРЛАГДСАН ХҮҮХЭД” хүүхэд, гэр бүлийн хөгжил хамгааллын явуулын үйлчилгээг манай суманд зохион байгууллаа. Үүнд: ✅Хамтарсан багийн гишүүдийн уулзалт ✅Бага насны хүүхдийн цогц хөгжлийг дэмжих хөтөлбөрийн хүрээнд 0-6 насны хүүхэдтэй эцэг эхчүүдэд сургалт ✅ Ерөнхий боловсролын сургуулийн 7-9 дүгээр ангийн сурагчдад “Мэргэжил сонголт” сургалт ✅ Ерөнхий боловсролын сургуулийн 10-11 дүгээр ангийн сурагчдад өсвөр насны хүүхдүүдэд тулгамдаж буй асуудлаар кино хэлэлцүүлэг ✅Дотуур байрны үйл ажиллагаатай танилцах ✅️Багийн иргэд, залуучуудад гэр бүлийн үнэ цэний тухай сургалт зохион байгуулж, АХА тэмцээн, караоке тэмцээнийг тус тус зохион байгууллаа.

иргэдийн Төлөөлөгчдийн Хурлын 2025 оны 01 дүгээр сарын 21-ний өдрийн 3/03 дугаар тогтоолыг захиргааны хэм хэмжээний актын улсын нэгдсэн сангийн 7121 дугаарт бүртгүүллээ.

Төгрөг сумаас аймгийн аваргууд тодорлоо🇲🇳 XVII жарны "Элдэв эрдэнэт" хэмээх модон могой жилийн босгон дээр аймгийн аварга малчин, аймгийн аварга саальчин, аймгийн тэргүүний хоршоогоор шалгарсан малчид, хөдөлмөрчиддөө баяр хүргэж, амжилт хүсье. 🇲🇳"Аймгийн аварга малчин өрх"-өөр 5 дугаар багийн малчин П.Жаргалсайхан, С.Бямбасүрэн, 4 дүгээр багийн малчин Ш.Батжаргал, Б.Шүрэнцэцэг, 2 дугаар багийн малчин Д.Нямдаваа, Ц.Уранчимэг, 5 дугаар багийн малчин Б.Анхбаяр, Т.Наранцацрал 🇲🇳"Аймгийн аварга саальчин"-аар 4 дүгээр багийн малчин Ш.Буянтогтох 🇲🇳"Аймгийн аварга тариаланч"-аар 3 дугаар багийн тариаланч Ц.Чимгээ 🇲🇳"Аймгийн тэргүүний хоршоо"-оор Хаяа баян говь хоршоо тус тус шалгарлаа. 5 хошуу малын буян заяа дэлгэрэх болтугай.

багийн иргэдийн Нийтийн хуралдаанаар дараах асуудлыг хэлэлцэнэ. 1.Багийн иргэдийн Нийтийн Хурлын хуралдааэны дарга сонгох 2.Хуралдааны дэг батлах тухай 3.Багийн Засаг даргад нэр дэвшүүлж, сонгох тухай 4.Багйин иргэдийн Нийтийн Хурлын зөвлөл байгуулах тухай

Малын зарим өвчнийг таних, сэргийлэх арга, мал үржлийн ажлын зохион байгуулалт сайжруулах арга, мал сүргийг тэжээх технологи, түүхий эд бэлтгэл чанарын хамгаалалт зэрэг сургалтыг зохион байгуулав. Сумын сайн малчин, мянгат малчин, манлай малтнуудад шагнал гардууллаа.

Говь нутгийн бахархал болсон тэмээн сүргийг өсгөн үржүүлэх, хамгаалах, тэмээний тоо толгойг нэмэгдүүлэх, тэмээн сүргийн ашиг шимийг сайжруулах, үйл ажиллагаанд малчид тэмээчдийг дэмжин ажиллах уламжлалт арга барилыг нийтэд сурталчилах, түгээн дэлгэрүүлэх тэмээчдээ алдаршуулахад оршино.