“Хүүхдийг хүчирхийллээс ангид байлгая” 14 хоногийн аяныг зохион байгууллаа

            Аймгийн Гэмт хэргээс урьдчилан сэргийлэх ажлыг зохицуулах зөвлөлөөс 2017 оныг “Хүүхдийг гэмт хэрэг үйлдэхээс урьдчилан сэргийлэх” зорилтот жил болгон зарласан бөгөөд уг зорилтот жилийн хүрээнд зохион байгуулах ажлын төлөвлөгөөнд тусгагдсаны дагуу “Хүүхдийг хүчирхийллээс ангид байлгая” 14 хоногийн аяныг зохион байгуулж, аяны хугацаанд Ерөнхий боловсролын сургуулийн сурагчдаас гэмт хэрэг зөрчил, сургуулийн орчин дахь хүчирхийллийн төрөл, хэлбэрийг тогтоох тандалт судалгааг 200 гаруй сурагчдаас авч нэгтгэлээ.

Гэмт хэргээс урьдчилан сэргийлэх талаар ахлах ангийн сурагчдад яриа таниулга хийж, “Хорт зуршлаас сэргийлье” гар зургийн уралдааныг 1-5 дугаар ангийн сурагчдын дунд, “Дэвжээ” тэмцээнийг 6-12 дугаар ангийн сурагчдын дунд зохион байгууллаа.