“ХУУЛИЙН БАЙГУУЛЛАГУУДЫН НЭГДСЭН АЯН” ТӨГРӨГ СУМАНД 04 ДҮГЭЭР САРЫН 18-НЫ ӨДӨР ЗОХИОН БАЙГУУЛАГДЛАА

Аймгийн Гэмт хэргээс урьдчилан сэргийлэх ажлыг зохицуулах зөвлөл, Хууль эрх зүйн хэлтэс, Цагдаагийн газар, Прокурорын газар, Гэр бүл, хүүхэд залуучуудын хөгжлийн газар, Мэргэжлийн хяналтын газар, Тагнуулын хэлтэс зэрэг аймгийн хуулийн байгууллагуудын нэгдсэн аян Төгрөг сумаас эхэлж, 7 хүний бүрэлдэхүүнтэй баг ажиллалаа.

Аяны хүрээнд Ерөнхий боловсролын сургуулийн сурагчид, Хүүхдийн өөрөө удирдах байгууллагын сурагчдыг үе тэнгийн сургагч багшаар бэлтгэх сургалт, хамтарсан багийн гишүүдийн сургалт, төрийн албан хаагчдад зориулсан сургалтыг тус тус зохион байгуулж, эцэг эхчүүд, багш нарын дунд “Хүүхдийг гэмт хэргээс урьдчилан сэргийлэхэд эцэг эхийн оролцоо” сэдэвт хэлэлцүүлгийг өрнүүлж, иргэдэд аяны зорилго, зорилтыг танилцуулж, иргэдээс ирүүлсэн санал хүсэлт, асуултанд хариу өгч, хуулийн байгууллагууд мэдээлэл хийлээ.

Мэргэжлийн хяналтын газраас ЕБСургуулийн үдийн цай, дотуур байрны хүүхдийн хоолны чанар, аюулгүй байдалд хяналт хийж, зөвлөн туслах үйлчилгээ үзүүлсэн. 

Мөн сумын Гэмт хэргээс урьдчилан сэргийлэх ажлыг зохицуулах салбар зөвлөлийн үйл ажиллагаатай танилцаж, арга зүйн зөвлөгөө өгч ажиллалаа.

Аяны үйл ажиллагааны төгсгөлд иргэдийн дунд хууль эрх зүйн асуулт хариултын тэмцээнийг зохион байгуулж, амжилттай оролцсон багуудыг шагнаж урамшууллаа.

Аяны үйл ажиллагаанд давхардсан тоогоор 300 гаруй иргэн хамрагдсан байна.

ТӨГРӨГ СУМЫН ГХУСАЗСЗӨВЛӨЛ